అక్కినేని అఖిల్ ప్రస్తుతం తన కొత్త సినిమా ‘లెనిన్’ ప్రమోషన్లలో బిజీగా ఉన్నారు. ఈ సందర్భంగా మీడియా సమంత నటించిన ‘మా ఇంటి బంగారం’ సినిమా గురించి ప్రశ్నించగా, ఆమెపై ప్రశంసలు కురిపించారు.
అఖిల్ మాట్లాడుతూ…
“ప్రమోషన్లతో బిజీగా ఉండటంతో ఇంకా సినిమా చూడలేకపోయాను. అయితే ట్రైలర్ మాత్రం చూశాను. చాలా బాగా నచ్చింది. సినిమా తప్పకుండా విజయం సాధిస్తుందని అప్పుడే అనిపించింది. ఇందులో సమంత కోడలిగా నటించి, తన కుటుంబం మనసు గెలుచుకునే పాత్రలో కనిపించింది. ఇది మంచి సందేశంతో కూడిన పవర్ఫుల్ యాక్షన్ డ్రామా. ఒక మహిళ ఇంత బలమైన యాక్షన్ పాత్రను ఇంత అద్భుతంగా చేయడం ప్రత్యేకంగా అనిపించింది. సమంత అద్భుతంగా నటించింది. ఆమెకు, అలాగే మొత్తం చిత్రబృందానికి నా హృదయపూర్వక అభినందనలు.”
ఇదిలా ఉంటే, సమంత ప్రస్తుతం తన భర్త దర్శకుడు రాజ్ నిడిమోరుతో కలిసి తొలి సంతానాన్ని ఎదురుచూస్తోంది. ఇటీవల బేబీ బంప్తో దిగిన ఫొటోను అభిమానులతో పంచుకుని ఆనందాన్ని వ్యక్తం చేసింది. సమంత, రాజ్ నిడిమోరు 2025లో వివాహం చేసుకున్నారు.